ᐊᖏᔪᖅᑳᖑᔪᓄᑦ
ᐊᓈᓇᐅᑉ ᑐᐱᖓ ᐃᓕᓐᓂᐊᕈᑕᐅᕗᖅ ᓱᕈᓯᓛᓄᑦ ᑕᕐᕆᔮᒃᓴᓄᑦ ᑕᓚᕖᓴᒃᑯᑦ ᑭᖑᓕᕇᑦᑕᖅᑐᖅ ᐸᕐᓇᐃᓇᓱᐊᖅᑐᖅ ᓴᖅᑭᔮᖅᑎᑦᑎᓪᓗᓂ ᑎᑎᖅᑭᕆᒋᐅᖅᓴᓂᕐᒥᒃ, ᓈᓴᐅᓯᕆᓂᕐᒥᒃ ᐊᔪᖏᓐᓂᕐᒥᒃ, ᐃᓅᖃᑎᖃᕈᓐᓇᕐᓂᕐᒥᒡᓗ ᓱᕈᓯᓛᑦ ᐃᓕᓐᓂᐊᕈᒫᕐᓂᖏᓐᓄᑦ ᐊᕐᕌᒍᒥ ᓯᕗᓪᓕᖅᐹᒥ.
ᑕᕝᕙᓂ ᒪᒃᐱᒐᕐᒥ ᓇᓂᓯᓂᐊᖅᑐᑎ ᐊᔪᕆᖅᓲᔾᔨᔾᔪᑎᓂᒃ ᐊᑐᕈᓐᓇᖅᑕᕐᓂᑦ ᐊᖏᔪᖅᑳᕆᔭᐅᓪᓗᑎᑦ, ᐸᖅᑭᒃᓯᔨᐅᓪᓗᑎᑦ, ᐃᓕᓴᐃᔨᐅᓪᓗᑎᓪᓘᓐᓃᑦ ᐃᑲᔪᖅᓱᕐᓂᐊᕋᕕᑦ ᓱᕈᓯᓛᓂᒃ ᐃᓕᑦᑎᕙᓪᓕᐊᓕᖅᑎᓪᓗᒋᑦ ᐅᖃᓕᒫᕆᐅᓕᖅᑎᓪᓗᒋᑦ, ᑎᑎᕋᕆᐅᖅᓴᓕᖅᑎᓪᓗᒋᑦ, ᓈᓴᐅᓯᕆᒐᓛᒍᓐᓇᖅᓯᑎᓪᓗᒋᑦ. ᓇᓂᓯᓂᐊᕆᕗᑎᑦ ᐱᓕᕆᐊᒃᓴᒃᑲᓐᓂᕐᓂᒃ ᖁᕕᐊᓇᖅᑐᓂᒃ, ᐱᔭᕐᓂᖅᑐᓂᒃ, ᖁᕕᐊᓇᑦᑎᐊᖅᑐᓂᒡᓗ ᖃᕋᓴᐅᔭᒃᑰᖅᑐᓂᒃ ᐅᖃᓕᒫᒐᕐᓂᒃ ᐱᔾᔪᑎᖃᖅᑐᓂᒃ ᑭᖑᓕᕇᒃᑐᓂᒃ, ᐊᒃᑐᐊᔪᓂᒡᓗ ᐃᓕᓐᓂᐊᕈᑎᒃᑲᓐᓂᕐᓄᑦ ᐃᑭᐊᖅᑭᕕᒃᑯᑦ ᐊᑐᕋᔅᓴᐃᓪᓗ ᖃᕋᓴᐅᔭᕋᓛᒃᑯᑦ.
ᑎᑎᖅᑭᕆᒋᐅᖅᐸᓪᓕᐊᓂᖅ ᐊᖏᕐᕋᒥ
ᐊᖏᕐᕋᐃᑦ ᑎᑎᖅᑭᕆᔾᔪᑎᖃᐅᖅᑎᓐᓇᓱᒡᓗᒍ ᖁᕕᐊᓇᕐᓗᓂᓗ ᐱᔭᕐᓂᖅᑑᔪᓐᓇᖅᑐᖅ!
ᑎᑎᖅᑭᕆᔾᔪᑎᖃᐅᖅᑎᓪᓗᒍ ᐊᖏᕐᕋᐃᑦ!
- ᐊᖏᕐᕋᕐᓂ ᐅᖃᓕᒫᒐᒃᑯᕕᒃᑯᒥᓇᖅᑐᖅᓯᐊᕐᓗᑎᑦ. ᑖᓐᓇ ᑕᑯᑎᑦᑎᓲᖅ ᓱᕈᓯᕐᓂᒃ ᐅᖃᓕᒫᒐᐃᑦ ᐱᓐᓇᕆᓇᖅᑑᓂᖏᓂᒃ ᐃᒃᐱᒋᑦᑎᐊᕆᐊᖃᕐᓂᖏᓐᓂᒡᓗ ᖃᐅᔨᓗᑎᒃ.
- ᐅᖃᓕᒫᕐᓇᖃᖅᐸᓪᓗᑎᑦ ᐅᓪᓘᑉ ᐃᓗᐊᓂᑦ, ᖃᐅᑕᒫᑦ! ᐅᖃᓕᒫᕐᕕᒋᕙᒃᑯᕕᐅᒃ ᕿᑐᕐᖓᐃᑦ ᑕᕝᕙᓂᑦᓴᐃᓐᓇᖅ ᐅᓪᓗᕐᒥ ᖃᐅᔨᓂᐊᖅᑐᖅ ᐅᖃᓕᒫᕐᓂᖅ ᖃᓄᐃᓕᐅᕐᓂᐅᕙᒃᑐᓄᑦ ᐃᓚᒐᐃᔭᐅᑦᑎᐊᕐᓂᖓᓂᑦ.
- ᓂᐱᑭᑦᑐᒥᒃ ᐊᑲᕐᕆᓇᖅᑐᒥᒃ ᓇᓂᓯᓗᑎᑦ ᐅᖃᓕᒫᕐᕕᒋᖃᑦᑕᕐᓂᐊᖅᑕᕐᓂᑦ. ᐅᓚᕕᑦᑎᔪᓐᓇᖅᑐᑦ ᖃᒥᓪᓗᒋᑦ ᓱᕐᓗ ᑕᓚᕖᓴ, ᓈᓚᐅᑦ, ᐊᓯᖏᓪᓗ ᐊᑐᖅᑕᐅᓲᑦ, ᖃᕋᓴᐅᔭᒃᑰᖅᑐᒥᒃ ᐅᖃᓕᒫᖃᑎᒋᒍᕕᐅᒃ ᓴᖅᑭᑲᐃᓐᓇᖃᑦᑕᖅᑐᑦ ᖃᒥᒻᒥᓗᒋᑦ.
- ᕿᑐᕐᖓᐃᑦ ᑕᑯᑎᑉᐸᓪᓗᒍ ᐅᖃᓕᒫᖅᑎᓪᓗᑎᑦ ᑎᑎᕋᖅᑎᓪᓗᑎᓪᓗ. ᓱᕈᓰᑦ ᖃᐅᔨᔪᒪᐃᓐᓇᓲᑦ ᐃᓐᓇᐃᑦ ᖃᓄᐃᓕᐅᕐᒪᖔᑕ. ᕿᑐᕐᖓᐃᑦ ᑕᑯᖃᑦᑕᖅᐸᑦ ᐅᖃᓕᒫᖅᑎᓪᓗᑎᑦ ᑎᑎᕋᖅᑎᓪᓗᑎᓪᓗ, ᖃᐅᔨᔪᒪᓕᕐᓂᐊᕐᒥᔪᑦᑕᐅᖅ ᐅᖃᓕᒫᕐᓂᕐᒥᒃ ᑎᑎᕋᕐᓂᕐᒥᓪᓗ!
- ᐱᓕᕆᑎᓪᓗᑎᑦ ᐃᒡᓗᒥ ᕿᑐᕐᖓᐃᑦ ᐅᖃᓪᓚᕕᒋᖃᑦᑕᕈᒃ, ᐱᓱᖃᑎᒋᓗᒍᓗ ᓄᓇᔅᓯᓐᓂ, ᓂᕆᓐᓇᒥᓗ. ᐅᖃᓪᓚᖃᑎᒋᖃᑦᑕᕈᕕᐅᒃ ᑭᓱᑐᐃᓐᓇᐃᑦ ᒥᒃᓵᓄᑦ ᐅᖃᐅᓯᖅᑕᖏᑦ ᐃᓕᑉᐸᒋᑦ ᐅᖃᐅᓯᖅᑖᖅᐸᓪᓕᐊᓂᐊᖅᑐᖅ ᐅᖃᓪᓚᖃᑎᖃᕈᓐᓇᖅᓯᕙᓪᓕᐊᓗᓂᓗ ᖁᓱᖏᓪᓗᓂ.
- ᐅᓂᒃᑳᕐᕕᒋᖃᑦᑕᕈᒃ ᐅᓂᒃᑳᖁᕙᓪᓗᒍᓗ ᕿᑐᕐᖓᐃᑦ.
- ᐊᒥᐊᕆᔪᓐᓇᖅᑎᖃᑦᑕᕈᒃ ᕿᑐᕐᖓᐃᑦ, ᑎᑎᖅᑐᒐᕐᓗᓂ, ᒥᖑᐊᖅᓯᓗᓂᓗ. ᕿᑐᕐᖓᐃᑦ ᐱᓕᕆᓕᒻᒪᒃᐸᑦ, ᐃᓕᓐᓂᐊᕐᕕᖕᒧᑦ ᐸᕐᓇᒃᓯᒪᑦᑎᐊᕐᓂᐊᖅᑐᖅ.
ᐅᖃᓕᒫᕐᓂᖅ ᖁᕕᐊᓇᖅᑎᑉᐸᓪᓗᒍ!
- ᕿᑐᕐᖓᐃᑦ ᐅᖃᓕᒫᕐᕕᒋᔭᕌᖓᕕᐅᒃ ᑕᑯᒃᓴᐅᑎᑉᐸᓪᓗᒋᑦ ᖃᓄᐃᖖᒍᐊᕐᓂᖏᑦ, ᓂᐲᓪᓗ ᐊᓯᔾᔨᖅᑕᖅᑎᑉᐸᓪᓗᒍ ᐃᓄᙳᐊᖏᑕ ᐊᔾᔨᒌᖏᓐᓂᖏᑦ ᒪᓕᒡᓗᒋᑦ.
- ᕿᑐᕐᖓᐃᑦ ᐅᖃᓪᓚᕕᒋᕙᓪᓗᒍ ᐊᔾᔨᖖᒍᐊᖏᑕ ᒥᒃᓵᓄᑦ ᐅᖃᐅᓯᖅᑕᖏᑕᓘᓐᓃᑦ.
- ᕿᑐᕐᖓᐃᑦ ᐊᐱᕆᖃᑦᑕᕈᒃ ᓱᖖᒍᐊᖅᑐᖃᕐᓂᐊᓕᖅᑐᒋᒻᒪᖔᒍ ᑕᑯᔭᖏᑕ ᒥᒃᓵᓄᑦ ᑐᓴᖅᑕᖏᑕᓗ ᐅᓂᒃᑳᕐᒥ.
- ᐅᖃᓕᒫᒐᕐᒧᑦ ᐊᑐᖅᓯᒪᔭᖏᑦ ᐊᒃᑐᐊᓕᖅᑎᑉᐸᓪᓗᒋᑦ ᕿᑐᕐᖓᖅᐱᑦ ᓇᖕᒥᓂᖅ ᐊᑐᖅᓯᒪᔭᖏᓐᓄᑦ. ᓲᕐᓗ, ᐅᖃᓕᒫᒐᕐᒥ ᐆᒪᔪᖖᒍᐊᖃᖅᐸᑦ, ᐊᐱᕆᓗᒋᑦ ᐊᑐᖅᓯᒪᔭᖏᓐᓂᒃ ᐆᒪᔫᑉ ᑕᐃᒪᐃᑦᑑᑉ ᒥᒃᓵᓄᑦ.
- ᐅᖃᓕᒫᓕᖅᑭᑉᐸᓪᓗᒋᑦ ᐅᖃᓕᒫᒐᐃᑦ ᕿᑐᕐᖓᕐᓄᑦ ᐊᒥᓱᐊᖅᑎᕐᓗᒋᑦ. ᑕᐃᒫᒃ ᐅᖃᐅᓯᖅᑕᖅᑖᖅᐸᓪᓕᐊᓂᐊᖅᑐᑦ ᐃᓕᓴᖅᓯᔪᓐᓇᖅᓯᓗᑎᒡᓗ ᐅᖃᓕᒫᕐᓗᑎᒃ.
- ᕿᑐᕐᖓᐃᑦ ᓂᕈᐊᖅᓯᑎᑉᐸᓪᓗᒍ ᐅᖃᓕᒫᒐᕐᓂᒃ ᐅᖃᓕᒫᕐᓂᐊᖅᑕᖏᓐᓂᒃ. ᑲᔪᖏᖅᓴᖅᐸᓪᓗᒋᑦ ᓂᕈᐊᖅᓯᔪᓐᓇᖅᓯᕙᓪᓕᐊᓂᐊᕐᒪᑕ ᖃᓄᐃᑦᑐᓂᒃ ᐅᖃᓕᒫᒐᕐᓂᒃ ᐅᖃᓕᒫᕕᐅᔪᒪᓗᑎᒃ.
ᐅᖃᓕᒫᖅᐸᓪᓗᑎᑦ ᑭᓱᑐᐃᓐᓇᑦᑎᐊᓂᒃ!
- ᑭᓱᑐᐃᓐᓇᑦᑎᐊᓂᒃ ᐅᖃᓕᒫᕋᔅᓴᓂᒃ ᐅᖃᓕᒫᖅᐸᓪᓗᑎᑦ ᐊᖏᕐᕋᕐᓂ. ᐅᓪᓛᖅᓯᐅᑎᐅᒐᓗᐊᖅᐸᑕ ᖁᐊᒃᑯᕕᖕᒥᓪᓘᓐᓃᑦ ᑎᑎᕋᖅᓯᒪᔪᓂᒃ.
- ᓄᓇᓕᔅᓯᓐᓂ ᐊᓃᖅᑎᓪᓗᓯᒃ ᕿᑐᕐᖓᐃᓪᓗ, ᑎᒃᑯᐊᖃᑦᑕᒃᑭᑦ ᐊᔾᔨᒌᖏᑦᑐᑦ ᑎᑎᕋᖅᓯᒪᔪᑦ, ᓲᕐᓗ ᐊᖅᑯᑏᑦ ᑎᑎᖅᑲᖏᑦ, ᓄᓇᒃᑰᕈᑎᐅᑉ ᐊᖅᑯᑦᑐᓐᓇᐅᑎᖏᑦ, ᐃᒡᓗᐃᑦ ᑎᑎᖅᑲᖏᓪᓘᓐᓃᑦ. ᑖᓐᓇ ᕿᑐᕐᖓᕐᓂᒃ ᑕᑯᑎᑦᑎᓂᐊᖅᑐᖅ ᐅᖃᖅᑕᐅᔪᑦ ᑎᑎᕋᖅᓯᒪᔪᓪᓗ ᐊᒃᑐᐊᖃᑎᒌᓲᑦ.
ᓄᓇᓕᔅᓯ ᐊᑐᕐᓗᒍ!
- ᐅᖃᓕᒫᒐᖃᕐᕕᒃᑕᖃᖅᐸᑦ ᓄᓇᓕᔅᓯᓐᓂ, ᐅᖃᓕᒫᒐᖃᕐᕕᖕᒨᖃᑎᒋᕙᓪᓗᒍ ᕿᑐᕐᖓᐃᑦ ᓂᕈᐊᖅᑎᑉᐸᓪᓗᒍᓗ ᖃᓄᐃᑦᑐᓂᒃ ᐅᖃᓕᒫᕐᕕᐅᔪᒪᒻᒪᖔᑕ ᐱᐅᒋᔭᖏᓐᓂᒃ.
- ᓄᓇᔅᓯᓐᓂ ᓱᔪᖃᕈᓘᔭᖅᑎᓪᓗᒍ ᐊᐃᖃᑎᒋᖃᑦᑕᕐᓗᒍ ᐃᑲᔪᖅᓱᖅᑐᓄᑦ ᑎᑎᖅᑭᕆᓂᕐᒥᒃ ᓲᕐᓗ ᐅᓂᒃᑳᖅᑐᐊᖅᑐᖃᕐᓂᐊᖅᐸᑦ, ᐃᓕᖅᑯᓯᕐᓂᒃ ᓴᖅᑭᔮᖅᑎᑦᑎᔪᓄᑦ ᓲᕐᓗ ᓂᔾᔭᐅᓯᔭᖅᑐᓄᑦ ᕿᓚᐅᔾᔭᖅᑐᓄᓪᓘᓐᓃᑦ, ᐃᓄᐃᑦ ᐱᖖᒍᐊᕈᓯᖏᓐᓂᒃ ᐱᖖᒍᐊᖅᑐᓄᓪᓘᓐᓃᑦ.
ᐊᖏᕐᕋᒥ ᓈᓴᐅᓯᕆᔪᓐᓇᖅᓯᕙᓪᓕᐊᓂᖅ
ᓈᓴᐅᓯᕆᓂᖅ ᓈᓴᐅᑎᓕᕆᑐᐃᓐᓇᖏᒻᒪᑦ. ᐃᓚᖃᓲᖑᒻᒪᑦ ᐆᑦᑐᕐᓂᕐᒥᒃ, ᑭᖑᓕᕇᓂᒃ, ᐃᓗᑦᑎᓕᖕᓂᒃ ᐊᖏᓕᕇᓂᒡᓗ. ᐊᔾᔨᒌᖏᑦᑐᓂᒃ ᓈᓴᐅᓯᕆᔾᔪᑎᓂᒃ ᐊᖏᕐᕋᒥ ᐱᓕᕆᔪᓐᓇᕆᕗᓯ ᐱᓕᕆᐊᖑᔪᓐᓇᖅᑐᓂᒃ ᓱᕈᓯᓛᓄᑦ ᖃᐅᑕᒫᖅᓯᐅᑎᓂᒃ ᐱᓕᕆᑎᓪᓗᓯ ᐱᖖᒍᐊᕐᓂᒃᑯᓪᓗ. ᐅᑯᐊ ᐃᓱᒪᒋᒋᐊᕐᓂᐊᖅᐸᑎᑦ:
- ᓈᓴᐃᖃᑎᒋᖃᑦᑕᕐᓗᒋᑦ ᓂᕿᓂᒃ (ᓲᕐᓗ ᓯᕙᓛᓂᒃ) ᐱᖖᒍᐊᓂᒡᓘᓐᓃᑦ (ᑭᑉᐹᕆᑦᑐᓂᒃ ᐃᓗᑦᑎᓕᖕᓂ) ᓂᕆᑎᓪᓗ ᕿᑐᕐᖓᐃᑦ ᐱᖖᒍᐊᖅᑎᓪᓗᒍᓘᓐᓃᑦ.
- ᓴᖅᑭᔮᖅᑎᑉᐸᓪᓗᒋᑦ ᐃᓚᓯᖃᑦᑕᕐᓃᑦ ᐃᓚᖖᒐᖅᓯᖃᑦᑕᕐᓃᓪᓗ ᓈᓴᐃᕙᓪᓗᑎᑦ ᓯᕗᒧᑦ ᐅᑎᒧᓪᓗ ᐃᓚᓯᔭᕌᖓᕕᑦ ᐃᓚᖖᒐᖅᓯᔭᕌᖓᕕᓪᓘᓐᓃᑦ ᐱᖖᒍᐊᓂᒃ.
- ᑎᒃᑯᐊᖅᓯᕙᓪᓗᑎᑦ ᓈᓴᐅᑎᓂᒃ ᓴᖅᑭᔮᖅᑐᓂᒃ ᐃᒡᓗᒥ ᐅᖃᓕᒫᒐᕐᓃᑦᑐᓂᒃ, ᐅᓪᓗᖅᓯᐅᑎᓃᑦᑐᓂᒃ, ᐅᖄᓚᐅᑎᒦᑦᑐᓂᒡᓗ ᐊᓯᖏᓪᓗ.
- ᕿᑐᕐᖓᐃᑦ ᐃᑲᔪᖅᑎᑉᐸᓪᓗᒍ ᓂᖅᑎᐅᖅᑎᓪᓗᑎᑦ ᐆᑦᑐᖅᑎᓪᓗᑎᑦ ᓂᖅᑎᐊᕕᑦ ᐃᓚᔅᓴᖏᓐᓂᒃ.
- ᐃᓗᑦᑎᐅᒐᔪᒃᑐᓂᒃ ᐅᖃᓪᓚᐅᑎᖃᖅᐸᓪᓗᑎᑦ ᑖᒃᑯᐊᓗ ᐃᓗᑦᑎᓖᑦ ᑕᑯᔭᐅᒐᔪᒃᑐᑦ ᑕᑯᑎᑉᐸᓪᓗᒋᑦ ᐃᒡᓗᔅᓯᓐᓂ.
- ᐱᖖᒍᐊᓂᒃ ᐊᑐᖅᐸᓪᓗᑎᑦ ᓲᕐᓗ ᐃᓗᑦᑏᑦ ᕿᔪᐃᑦ ᓴᐸᖓᐃᓪᓘᓐᓃᑦ ᐊᔪᕆᖅᓲᔾᔨᓂᐊᕋᕕᑦ ᑭᖑᓕᕇᓲᓂᒃ.
- ᓈᓴᐅᓯᕆᓂᐅᑉ ᐅᖃᓪᓚᐅᓯᖏᓐᓂᒃ ᐊᑐᖅᐸᓪᓗᓯ ᓲᕐᓗ ᐊᖏᔪᖅ/ᒥᑭᑦᑐᖅ, ᖃᓂᑦᑐᖅ/ᐅᖓᓯᑦᑐᖅ, ᓯᓕᒃᑐᖅ/ᐊᒥᑦᑐᖅ, ᑕᑭᔪᖅ/ᓇᐃᑦᑐᖅ ᐊᔾᔨᒌᖏᑦᑐᓂᒃ ᓴᖅᑭᔮᖅᑐᓄᑦ ᐃᒡᓗᒥ.
- ᕿᑐᕐᖓᐃᑦ ᐃᓕᐅᖅᑲᐃᑎᖃᑦᑕᕈᒃ, ᓲᕐᓗ ᐱᖖᒍᐊᓂᒃ ᐃᓕᐅᖅᑲᐃᑎᓪᓗᒍ ᐅᑎᖅᑎᐅᖅᑲᐃᓕᖅᐸᑦ, ᐃᓕᐅᖅᑲᐃᓗᑎᒃ ᓂᕿᓂᒃ, ᐱᕈᖅᑐᕕᓂᕐᓂᒃ ᓰᕐᓇᖅᑐᓂᒃ ᓰᕐᓇᖏᑦᑐᓂᒡᓗ.
- ᐱᓕᕆᖃᑎᒋᖃᑦᑕᕐᓗᒍ ᕿᑐᕐᖓᐃᑦ ᖃᐅᔨᓇᓱᐊᖅᑎᓪᓗᒋᑦ ᖃᐅᔨᔭᕐᓂᖏᑦᑐᓂᒃ. ᓲᕐᓗ, ᕿᑐᕐᖓᐃᓪᓗ ᓂᕆᕐᒥᓗᖃᑎᒌᒃᑯᔅᓯᒃ ᐊᑕᐅᓯᕐᒥᒃ ᐸᓚᐅᒑᕐᒥᒃ ᐊᒥᐊᒃᑯᖃᕐᓂᖅᐸᑕ, ᐊᐱᕆᓗᒍ ᖃᓄᑦ ᑕᐃᒫᓪᓗᐊᖅ ᓂᕆᔪᓐᓇᑐᐃᓐᓇᐅᒻᒪᖔᓯᒃ. ᑖᓐᓇ ᓈᓴᐅᓯᕐᓂᕐᒥᒃ ᖃᐅᔨᑎᑦᑎᕙᓪᓕᐊᓂᐊᖅᑐᖅ ᐊᕕᒃᑐᐃᓂᕐᒥᒃ, ᐊᒻᒪ ᐃᑲᔪᖅᓱᕐᓗᓂ ᓇᓪᓕᒃᑭᑕᕐᓂᕐᒥᒃ.
ᐊᑐᕋᔅᓴᒃᑲᓐᓃᑦ
ᓄᓇᕗᒻᒥ ᒪᕐᕉᖕᓂᒃ ᐅᖃᐅᓯᓖᕐᓂᒃ ᐃᓕᓐᓂᐊᓂᕐᒧᑦ ᑲᑐᔾᔨᖃᑎᒌᒃᑯᑦ (NBES) ᓄᓇᓕᖕᓂ ᓇᒻᒥᓂᕆᔭᐅᔪᖅ, ᑮᓐᓇᐅᔾᔭᒃᓴᓇᓱᐊᖅᑎᐅᖏᑦᑐᑦ ᐃᓱᒫᓘᑎᖃᖅᑐᑦ ᑐᖅᑯᐃᓂᕐᒥᒃ, ᓴᐳᒻᒥᓂᕐᒥᒃ ᓴᖅᑭᔮᖅᑎᑦᑎᓂᕐᒥᓪᓗ ᐃᓄᐃᑦ ᐅᓂᒃᑳᖃᑦᑕᖅᓯᒪᔭᖏᓐᓂᒃ, ᐃᓕᖅᑯᓯᕐᒦᖖᒑᖅᑐᓂᒃ ᖃᐅᔨᒪᔭᐅᔪᓂᒃ, ᐅᖃᐅᓯᕐᒥᓪᓗ. ᐊᒥᓱᑲᓪᓚᐅᒻᒪᑕ ᐃᓄᒃᑎᑐᑦ ᐅᖃᐅᓯᓕᑦ ᓱᕈᓯᖅᓯᐅᑎᑦ ᐅᖃᓕᒫᒐᐃᑦ ᐊᑐᐃᓐᓇᐅᔪᑦ ᐊᑭᖃᖏᑦᑐᒥᒃ ᑐᖅᑯᕋᔅᓴᐃᑦ.
- ᓯᑯᒥ (http://nbes.ca/2016/09/01/out-on-the-ice-inuktitut/)
- ᐅᑲᓕᖅ ᑲᓪᓚᓪᓗ ᐃᖃᓪᓕᐊᖅᑑᒃ(http://nbes.ca/2016/09/01/ukaliq-and-kalla-go-fishing-inuktitut/)
- ᓱᔾᔪᓰᑦ (http://nbes.ca/2016/09/01/action-words-inuktitut/)
- ᐅᑭᐅᖅᑕᖅᑐᒥ ᐃᓄᕋᓛᑦ (http://nbes.ca/2015/12/07/arctic-little-folk-inuktitut/)
- ᓄᓇᒃᑯᑦ ᐱᓱᒃᑐᖅ (http://nbes.ca/2015/07/10/a-walk-on-the-tundra-kivalliq-inuktitut/)
- ᐃᓕᐊᕐᔪᒃ ᓇᓄᕐᓗ (http://nbes.ca/2015/07/10/the-orphan-and-the-polar-bear-kivalliq-inuktitut/)
- ᐃᖃᓪᓕᐊᖃᑎᖃᖅᑑᒃ ᐊᓈᓇᑦᓯᐊᖓᓂᑦ (http://nbes.ca/2015/06/16/iqalugasuqatigillugu-anaanatsiaq-fishing-with-anaanatsiaq/)
- ᐅᑭᐅᖅᑕᖅᑐᒥ ᑎᖕᒥᐊᑦ (http://nbes.ca/2015/06/10/ukiuqtaqtumi-tingmiat/)
- ᐊᒪᕉᑉ ᐃᓕᓐᓂᐊᕈᑎᖓ (http://nbes.ca/2015/06/10/lesson-for-the-wolf-inuktitut/)
This IS Literacy ᐱᓕᕆᐊᖑᕗᖅ ᑎᑎᖅᑭᕆᑎᑦᑎᓇᓱᐊᕐᓂᕐᒥᒃ ᐱᓕᕆᔪᑦ ᓱᕈᓰᑦ ᒪᒃᑯᒃᑐᓪᓗ ᑕᑯᓐᓇᕋᔅᓴᖏᓐᓂᒃ.
ᑖᒃᑯᐊ National Reading Campaign ᑮᓐᓇᐅᔾᔭᔅᓴᓇᓱᐊᖅᑎᐅᖏᑦᑐᑦ ᑕᑯᓐᓇᖖᒍᐊᖅᑐᑦ ᓴᖅᑮᔪᑦ, ᒪᑭᒪᔪᓐᓇᖅᑐᖅ, ᐃᓅᖃᑎᖃᕈᓐᓇᑦᑎᐊᓕᖅᑎᑦᑎᕙᓪᓕᐊᔪᖅ ᑭᒃᑯᓕᒫᓂᒃ ᐱᔪᓐᓇᖅᑎᑦᑎᔪᓂᒃ ᑕᒪᐃᓐᓂ ᐃᓅᓯᓕᒫᖅ ᐃᓕᑉᐸᓪᓕᐊᖏᓐᓇᕐᓂᕐᒥᒃ.
Illitaqsiniq ᓴᖅᑭᔮᖅᑎᑦᑎᔪᖅ ᐃᑲᔪᖅᓱᖅᑐᓂᓗ ᑎᑎᖅᑭᕆᑎᑦᑎᓂᕐᒥᒃ ᓄᓇᕘᑉ ᐅᖃᐅᓯᖏᓐᓂᒃ ᐊᑐᖅᑐᖅ ᐃᒃᐱᒋᓪᓗᒋᓪᓗ ᐅᒃᐱᕆᔭᐅᔪᓂᓪᓗ ᓄᓇᓕᖕᓂ ᐱᔪᓐᓇᖅᓯᑎᑦᑎᐊᕋᓱᐊᕐᓂᕐᒥᒃ ᐱᕙᓪᓕᐊᓂᕐᒥᒡᓗ.
It Starts at Home: A family engagement resource for Nunavut schools ᓴᖅᑭᑕᐅᓯᒪᔪᖅ ᐃᓕᓐᓂᐊᕐᓂᓕᕆᔨᒃᑯᓐᓂᒃ ᓄᓇᕗᒻᒥ ᐱᓕᕆᖃᑎᖃᖅᑐᑎᒃ ᓄᓇᕗᒻᒥ ᐃᓕᓴᐃᔩᑦ ᑲᑐᔾᔨᖃᑎᒌᒃᑯᓐᓂᒃ.
Inhabit Media ᐃᓄᖕᒧᑦ ᓇᒻᒥᓂᕆᔭᐅᔪᖅ ᓴᖅᑮᔩᑦ ᑐᕌᒐᓖᑦ ᑐᖅᑯᐃᓂᕐᒥᒃ ᓴᖅᑭᔮᖅᑎᑦᑎᓂᕐᒥᒡᓗ ᐅᓂᒃᑳᓂᒃ, ᖃᐅᔨᒪᔭᓂᕐᓂᒃ ᐱᔪᓐᓇᕐᓂᖏᓐᓂᒡᓗ ᐃᓄᐃᑦ ᐅᑭᐅᖅᑕᑐᖓᓂᒥᐅᓪᓗ ᑲᓇᑕᐅᑉ.
ᐃᓐᕼᐋᐱᑦ ᐃᓕᓐᓂᐊᕐᓂᓕᕆᓂᖅ
ᐊᓯᖏᑦ ᖃᕋᓴᐅᔭᒃᑯᑦ ᐊᑐᕋᔅᓴᐃ
- ᐅᖃᐅᓰᑦ ᐱᖖᒍᐊᕈᑏᑦ ᐃᓄᐃᑦ ᐅᖃᐅᓯᖏᓐᓄᑦ ᐊᑐᕋᔅᓴᖅ ᐊᑐᖅᑐᖅ ᖁᕕᐊᓇᖅᑐᓂᒃ ᑎᑎᖅᑐᒐᖅᓯᒪᔪᓂᒃ ᓂᔾᔭᐅᓯᔭᖅᑕᐅᓂᑯᓂᒡᓗ ᐃᓕᓴᖅᓯᔪᓐᓇᖁᓪᓗᒋᑦ ᐃᓗᑦᑎᓕᖕᓂᒃ ᓂᐱᓂᒡᓗ, ᐅᖃᐅᓯᖅᑕᓂᒡᓗ ᐃᓕᑦᑎᕙᓪᓕᐊᑎᓪᓗᒋᑦ.
https://itunes.apple.com/ca/app/uqausiit-pinnguarutiit/id1133017179?mt=8
- Arsaniit ᐊᖅᓴᕐᓃᑦ ᐱᓕᕆᐊᒃᓴᓕᒃ ᐃᓄᐃᑦ ᐅᖃᐅᓯᖏᓐᓂᒃ ᐃᓕᓐᓂᐊᖅᑎᑦᑎᔾᔪᑎ ᑎᑎᕋᕆᐅᖅᓴᓂᕐᒥᒃ ᐃᓄᒃᑎᑐᑦ. https://itunes.apple.com/ca/app/arsaniit/id601431815?mt=8
Singuistics ᐱᓕᕆᐊᒃᓴᖅ ᓄᓇᖃᖅᑳᖅᓯᒪᔪᑦ ᐅᖃᐅᓯᖏᓐᓂᒃ ᐃᓕᓐᓂᐊᖅᑎᑦᑎᓲᖅ ᐃᖖᒋᐅᓯᑐᖃᕐᓂᒃ ᐃᓄᒃᑎᑐᑦ, ᒍᐃᑦᓯᓐ, ᐊᓂᓯᓈᐱᒧᐃᓐ, ᑯᕇ, ᐊᒻᒪ ᓯᐳᐅᐊᐃᓐᑎᑐ.