ᐱᖖᒍᐊᖅᑏᑦ
Ritt and Qimmiq
Tundra Friends
ᐊᕿ – Aqi
ᐊᕿ, ᐊᕿᕐᕆᖅ, ᓄᓇᓕᖕᓄᑦ ᓅᕋᑖᕐᓂᑰᕗᖅ ᐊᒻᒪᓗ ᓄᒫᓱᒃᐳᖅ ᐃᓄᑑᙳᕋᒥ. ᐱᖃᓐᓂᕆᔭᒃᓴᖅᓯᐅᖅᐳᖅ ᐊᒻᒪᓗ ᖁᕕᐊᒋᔭᖃᖅᐳᖅ ᑐᒃᑲᕆᐊᓕᒋᐊᒃᓴᖅ ᓄᓂᕙᒋᐊᒃᓴᕐᓗ.
ᐃᓛᓐᓂᒃᑯᑦ ᓄᒫᓱᒃᐸᒃᑐᖓ/ᐃᓄᑑᙳᖅᐸᒃᑐᖓ
ᒥᑭ – Miki
ᒥᑭ ᓂᐸᐃᑦᑑᕗᖅ ᐱᓐᓇᔭᑦᑎᐊᖅᑐᓂᓗ ᐊᕕᙵᖅ. ᐃᑲᔪᕋᓱᒃᐸᒃᑐᖅ ᐱᖃᓐᓂᕆᔭᖏᓐᓂᒃ ᑐᑭᓯᓇᓱᒃᑎᓪᓗᒋᑦ ᐃᓱᒪᒃᑯᑦ ᐃᑉᐱᒋᔭᖏᓐᓂᒃ ᐅᔾᔨᖅᓱᑦᑎᐊᖁᓪᓗᓂᒋᑦ ᖃᓄᖅ ᐃᑉᐱᒍᓱᒃᐸᖕᒪᖔᑕ ᐃᖢᐊᕆᙱᑕᖏᓐᓂᒃ ᐊᑐᖅᑎᓪᓗᒋᑦ.
ᐃᓛᓐᓂᒃᑯᑦ ᑲᑉᐱᐊᓱᒃᐸᒃᑐᖓ/ᓂᙵᐅᒪᕙᒃᑐᖓ
ᓯᔅᓯ – Sissi
ᓯᔅᓯ ᓯᒃᓯᐅᕗᖅ ᐃᓛᓐᓂᒃᑯᑦ ᑐᓱᓕᖅᓴᕋᐃᑉᐸᒃᑐᖅ ᐊᓐᓄᓕᖅᓴᕋᐃᑉᐸᒃᑐᓂᓗ. ᑕᐃᒫᒃ ᐃᑉᐱᒍᓱᒋᐊᒃᓴᖅ ᖃᓄᐃᓕᐅᕆᐊᒃᓴᖅ ᓇᓗᓕᖅᐸᖕᒪᑦ ᐱᖃᓐᓂᕆᔭᖏᓐᓄᑦ ᐅᖃᓪᓚᐅᔾᔭᐃᓪᓗᓂ ᓴᐃᒻᒪᖅᐸᒃᐳᖅ. ᓇᑲᖅᓴᐅᔭᐃᓐᓇᖅᐳᖅ ᐱᖃᓐᓂᕆᔭᖏᓐᓄᑦ ᐃᑲᔪᖅᑕᐅᕙᖕᒪᑦ.
ᐃᓛᓐᓂᒃᑯᑦ ᑭᑭᑕᐅᓱᕆᕙᒃᑐᖓ/ᑐᓱᕙᒃᑐᖓ
ᓇᐅᑲ – Nauka
ᓇᐅᑲ ᐱᓇᔭᑦᑎᐊᖅᐸᒃᐳᖅ ᑲᑕᔭᖕᓇᓂ ᓇᐅᔭᖅ, ᐃᖢᐊᙱᓕᐅᕋᓗᐊᖅᑎᓪᓗᒋᑦ ᑲᑕᖓᓕᑐᐃᓐᓇᖃᑦᑕᙱᑦᑐᖅ! ᐱᖃᓐᓂᕆᔭᖏᑦ ᐱᐅᔪᓂᒃ ᕿᓂᖃᑦᑕᖁᕙᐃᑦ ᐃᖢᐊᙱᓕᐅᕋᓗᐊᖅᑎᓪᓗᒋᑦ ᐊᒻᒪᓗ ᓇᓗᓇᐃᖅᓯᕗᖅ ᐃᓱᒪᓂᕗᑦ ᒥᒃᖠᒋᐊᖅᑎᑦᑎᔪᓐᓇᕐᒪ ᐱᔭᕐᓂᙱᑦᑐᐊᓘᔮᖅᑑᒐᓗᐊᓂᒃ.
ᐃᓛᓐᓂᒃᑯᑦ ᕿᕕᑉᐸᒃᑐᖓ/ᐃᑉᐱᒋᓗᖕᓂᖅᐸᒃᑐᖓ
ᑕᑯ – Taku
ᐆᒻᒪᕆᑦᑎᐊᖅᑐᖅ ᖃᐅᔨᔪᒻᒪᐅᓪᓗᓂᓗ ᕿᒻᒥᖅ, ᑕᑯ ᖁᕕᐊᒋᔭᖃᖅᐳᖅ ᐱᙳᐊᖃᑎᖃᕆᐊᖓ ᐱᖃᓐᓂᕆᔭᖏᓐᓂᒃ.
ᐃᓛᓐᓂᒃᑯᑦ ᑐᓱᕙᒃᑐᖓ
ᑎᐅ-ᑎᐅ – Tiu-Tiu
ᑎᐅ-ᑎᐅ ᓂᙵᐅᒪᒐᔪᒃᐳᖅ ᕿᕕᓴᕋᐃᑦᑐᓂᓗ ᖃᐅᕐᓗᖅᑖᖅ. ᐱᔪᒪᔭᖏᑦ ᐱᙱᑦᑕᕌᖓᑕ ᓂᙵᒃᐸᒃᑐᖅ. ᒫᓐᓇ ᐃᓕᓐᓂᐊᖅᐸᓪᓕᐊᕗᖅ ᖃᓄᖅ ᐃᑉᐱᒋᔭᖏᓐᓄᑦ ᓴᙱᔫᑎᓄᑦ ᐅᐸᓗᐃᔭᐅᑦᑕᐃᓕᒪᔪᓐᓇᕐᒪᖔᑦ.
ᐃᓛᓐᓂᒃᑯᑦ ᕿᕕᓴᕋᐃᑉᐸᒃᑐᖓ/ᓄᙵᐅᒪᕙᒃᑐᖓ
ᑐᑲ – Tuka
ᑐᑲ, ᑐᒃᑐ, ᕿᓂᖅᐸᖅᐳᖅ ᐱᓕᕆᐊᒃᓴᓂᒃ ᐱᓚᐅᖅᓯᒪᙱᑕᖏᓐᓂᒃ, ᑭᓯᐊᓂᓕ ᑲᑉᐱᐊᓱᒃᓴᕋᐃᑉᐳᖅ ᓄᔪᐊᖅᑕᐃᓪᓗᓂᓗ. ᐱᖃᓐᓂᕆᔭᖏᓐᓄᑦ ᐃᑲᔪᖅᓱᖅᑕᐅᑦᑎᐊᖅᑐᓂ, ᐱᙳᐊᖅᑎᓪᓗᒋᑦ ᐱᖃᑕᐅᑦᑎᐊᖅᐸᒃᐳᖅ.
ᐃᓛᓐᓂᒃᑯᑦ ᐃᑉᐱᒋᓗᖕᓂᖅᐸᒃᑐᖓ/ᑲᑉᐱᐊᓱᒃᐸᒃᑐᖓ
ᐅᑲ – Uka
ᐅᑲ ᓯᕆᒫᓱᒃᓴᕋᐃᑉᐳᖅ ᐊᒻᒪᓗ ᓄᖅᑲᖓᔪᓐᓇᐃᓪᓕᕙᖅᐳᖅ ᐅᑲᓕᖅ. ᐅᑲ ᐅᐃᒻᒪᒐᓚᐅᕗᖅ ᐊᒻᒪᓗ ᐱᓕᕆᓕᖅᐸᒃᐳᖅ ᐃᓱᒪᒋᔭᖃᓗᐊᕐᓇᓂ.
ᐃᓛᓐᓂᒃᑯᑦ ᕿᕕᓴᕋᐃᑉᐸᒃᑐᖓ/ᑭᑭᑕᐅᓱᒋᕙᒃᑐᖓ/ᑐᓱᕙᒃᑐᖓ
ᐅᒃᐱᒃ – Ukpik
ᐅᒃᐱᒃ ᐃᕿᐊᙳᖅᓴᕋᐃᑉᐳᖅ ᕿᑲᕈᓐᓇᐃᓪᓕᕙᒃᑐᓂ ᐅᒃᐱᒡᔪᐊᖅ ᐊᒻᒪᓗ ᕿᓂᐅᔭᐃᓐᓇᖅᐳᖅ ᖁᕕᐊᒋᔭᖅᓯᐅᖅᑐᓂ ᐱᓕᕆᐊᒃᓴᓂᒃ.
ᐃᓛᓐᓂᒃᑯᑦ ᐃᕿᐊᙳᖅᐸᒃᑐᖓ/ᑐᓱᕙᒃᑐᖓ
Meeka
ᒦᑲ – Meeka
ᒦᑲ ᑐᑭᓯᓴᕋᐃᑦᑑᕗᖅ ᓂᕕᐊᖅᓯᐊᑯᓗᒃ ᐱᔪᒥᓇᖅᓴᐃᔪᒪᔪᖅ ᐃᓕᓐᓂᐊᖃᑎᖏᓐᓂᒃ ᑎᒥᒃᑯᑦ ᐃᖢᐊᕈᑎᒃᓴᓂᒃ ᐱᓇᓱᐊᕐᓂᕐᒥᒃ. ᒦᑲ ᐃᓱᒫᓘᑎᖃᖅᐸᒃᑐᖅ ᐃᓕᓐᓂᐊᖃᑎᖏᑦ ᓂᕈᐊᑦᑎᐊᕈᓐᓇᖁᓪᓗᓂᒋᑦ ᑎᒥᒧᑦ ᐃᖢᐊᕈᑎᓂᒃ ᐊᒻᒪᓗ ᖃᐅᔨᑎᑦᑎᓇᓱᒃᐸᒃᑐᖅ ᖃᓄᐃᓕᐅᕆᐊᖃᕐᒪᖔᑕ ᐊᐃᑦᑐᕐᓗᐃᔾᔭᐃᖅᓯᒪᓂᕐᒥᒃ ᑕᒋᐅᒃᓴᖅᑎᓪᓗᒋᑦ ᐅᕙᕙᓗ ᖁᐃᖅᓱᖅᑎᓪᓗᒋᑦ ᑕᓕᕐᒧᑦ ᐊᒡᒐᒨᙱᑦᑐᖅ ᐊᒻᒪᓗ ᑭᒍᓯᕆᔨᒥᒃ ᑕᑯᓂᐊᖃᑦᑕᕐᓂᕐᒥᒃ ᑭᒍᑎᑦᑎᐊᕆᒐᓱᒡᓗᓂ. ᒦᑲᐅᑉ ᑕᒪᒃᑯᐊᓕᒫᑦ ᑲᒪᒋᕙᐃᑦ!
ᔮᒃ – Jack
ᐃᓕᓐᓂᐊᖃᑎᖓ ᒦᑲᐅᑉ ᖃᐅᔨᔪᒪᑦᑎᐊᖅᑐᖅ ᖃᓄᖅ ᑎᒥᒧᑦ ᐃᖢᐊᖏᓐᓇᕋᓱᖕᓂᕐᒥᒃ. ᑲᑉᐱᐊᓱᖅᑑᒐᓗᐊᖅ ᑭᒍᓯᕆᔨᒥᒃ ᑕᑯᓂᐊᕆᐊᒃᓴᖅ ᑭᓯᐊᓂ ᒦᑲᐅᑉ ᑲᔪᖏᖅᓴᐃᖕᒪᒍᑦ, ᖃᐅᔨᕙᓪᓕᐊᓕᖅᐳᖅ ᓱᖕᒪᑦ ᑭᒍᓯᕆᔨᒥᒃ ᑕᑯᓂᐊᖃᑦᑕᐃᓐᓇᕆᐊᖃᕐᒪᖔᑭᒍᑎᖏᓪᓗ ᓴᓗᒻᒪᖅᓴᐃᓐᓇᕆᐊᖃᕐᒪᖔᑕ!
ᔨᐊᑉ – Jeff
ᔨᐊᑉ ᐃᓕᓐᓂᐊᖃᑎᒋᕚ ᒦᑲᐅᑉ ᐊᒻᒪᓗ ᐱᓇᓱᒍᒪᑦᑎᐊᖅᐳᖅ ᑎᒥᒧᑦ ᐃᖢᐊᑦᑎᐊᕈᑎᒃᓴᓂᒃ. ᐊᑕᐅᕐᓕ, ᒦᑲ ᑐᐊᕕᖅᓴᐃᖃᑦᑕᙱᒻᒪᑦ ᐊᒻᒪᓗ ᐅᖃᐅᔾᔨᑦᑎᐊᕈᓐᓇᖅᑐᓂ ᔨᐊᑉ ᑐᑭᓯᙱᑦᑕᕌᖓᑦ.
ᓵᓐᔭ – Sonia
ᓵᓐᔭ ᐃᓕᓐᓂᐊᖃᑎᖃᖅᐳᖅ ᒦᑲᒥᒃ. ᐅᐱᒍᓱᒃᐳᖅ ᒦᑲ ᐋᓐᓂᐊᑦᑕᐃᓕᒪᔾᔪᑎᒃᓴᓂᒃ ᐱᓇᓱᐊᑦᑎᐊᖏᓐᓇᕐᒪᑦ ᐊᒻᒪᓗ ᐃᑲᔪᖅᓱᐃᓐᓇᖃᑦᑕᖅᑕᖓ ᐱᓇᓱᒃᑕᖏᓐᓂᒃ ᑎᒥᒧᑦ ᐃᖢᐊᑦᑎᐊᕐᓂᕐᒥᒃ.
Nanuq and Nuka
ᓄᑲ – Nuka
ᓄᑲ ᐊᓐᓄᑐᔫᖅᑰᔨᔫᒐᓗᐊᖅ ᑭᓯᐊᓂᓕ ᐃᓗᒃᑯᑦ ᖁᕕᐊᒋᐱᔭᖃᑦᑎᐊᖅᐳᖅ ᐱᙳᐊᖃᑎᖃᕆᐊᖓ ᐱᖃᓐᓂᕆᔭᖏᓐᓂᒃ. ᓄᑲ ᓴᐱᓕᖅᓴᕋᐃᙱᓚᖅ ᐱᔪᒪᓪᓚᕆᒃᑕᖓᓂᒃ ᐱᓇᓱᐊᕐᓗᓂ.
ᓇᓄᖅ – Nanuq
ᓇᓄᕐᔪᐊᕌᓗᒃ ᑐᑭᓯᐅᒪᑦᑎᐊᖅᑐᖅ ᖃᓄᖅ ᐱᖃᓐᓂᕇᑦᑎᐊᕐᓂᕐᒥᒃ. ᓇᓄᖅ ᕿᑲᑐᐃᓐᓇᕈᒪᙱᑦᑐᖅ ᕼᐋᑭᑉᐸᒃᑐᓂᓗ ᐊᒻᒪᓗ ᖁᖓᓴᐃᑦᑎᐊᖃᑦᑕᖅᑐᖅ ᖃᓄᑐᐃᓐᓇᖅ ᓄᑲᕐᒥᒃ.
ᐅᒥᖕᒪᒃ – Umingmak
ᐅᒥᖕᒪᒃ ᓇᓅᑉ ᓄᑲᐅᓪᓗ ᐱᖃᓐᓂᕆᕚ. ᖁᕕᐊᒋᔭᖃᖅᐸᒃᑐᖅ ᑖᒃᑯᓂᖓ ᐱᙳᐊᖃᑕᐅᒋᐊᖓ!
ᑐᓗᒐᕐᓗ ᓇᐅᔭᕐᓗ – Tulugaq and Naujaq
ᑐᓗᒐᖅ, ᑐᓗᒐᕐᒥᒃ ᐊᑎᓕᒃ, ᐊᒻᒪᓗ ᓇᐅᔭᖅ, ᓇᐅᔭᕐᒥᒃ ᐊᑎᓕᖅ, ᓯᒃᑲᖓᐅᔭᖅᐴᒃ ᑕᑯᓐᓇᕈᒻᒫᒃ ᐱᖑᐊᖅᑐᓂᒃ ᖁᕕᐊᓲᑎᖃᖅᑐᓂᒡᓗ.